حدوتة الاميرة فلورا

كان ياما كان كان فى زمان أميرة اسمها
الاميرة فلورا

كانت الاميرة فلورا وحيدة مش عندها اخوات خالص وكانت دايما حزينة عشان السبب دة
وفى يوم من الايام وهى بتتمشى فى الجنينة بتاعت القصر بتاع الملك باباها شافت

أرنب


بيتنطط حواليها وسألها الارنب وقالها ياترى اميرتنا حزينة لية راحت الاميرة ردت على الارنب وقالتلة عشان أنا وحيدة وكان نفسى يبقى عندى اخوات رد عليها الارنب وقالها ممممممم طب ممكن اننا نكون أصحاب ردت الاميرة وهى بتبتسم وقالت ازاى اميرة تصاحب أرنب رد الارنب وقال مش يمكن أنا أسليكى وأملى عليكى وحدتك
ردت الاميرة وقالت بس انت أرنب رد الارنب وقال بس أنا مش زى أى أرنب أنا أرنب سحرى ردت الاميرة فلورا باستعجاب وقالت أرنب سحرى طب ازاى رد الارنب وقال أيوة انا ارنب سحرى أنا اقدر فى غمضة عين احققلك اى امنية تطلبيها مهما كانت
ردت الاميرة وقالت مهما كانت مهما كانت رد الارنب وقال ايوة مهما كانت ردت الاميرة وقالت طب ممكن فى غمضة عين تجبلى أخت جميلة العب معاها واتكلم معاها
رد الارنب وقال لا طبعا انا مش ممكن احقق الامنية دية ردت الاميرة وقالت يبقى انا مش محتجاك ومش ممكن اننا نكون اصحاب ورجعت الاميرة تتمشى فى الجنينة وهى حزينة وهى ماشية قابلت

عصفور جميل



الوانة جميلة وسألها العصفور ياترى اميرتنا زعلانة لية ردت الاميرة وقالت عشان أنا وحيدة ومش عندى اخوات
رد العصفور وقال مممممممم طب اية رايك يا اميرة اننا نكون اصحاب وانا كل يوم اصوصولك واغنيلك أحلى الالحان وأملى عليكى حياتك ردت الاميرة وقالت ازاى اميرة تصاحب عصفور رد العصفور وقال بس أنا مش زى أى عصفور انا عصفور سحرى أقدر فى غمضة عين اسافر بلاد وبلاد وارجع تانى فى غمضة عين اطلبى منى أى حاجة موجودة فى أى بلد وأنا اجبهالك فى غمضة عين
ردت الاميرة وقالت أنا عايزة اخت جميلة ألعب معاها واتكلم معاها
رد العصفور وقال لآ طبعا انا معرفش احقق الامنية دية ردت الاميرة وهى حزينة وقالت يبقى مش ممكن نبقى اصحاب ورجعت تانى الاميرة تتمشى فى الجنينة وهى حزينة
وهى ماشية قابلت

ضفضعة




راحت الضفضعة سألة الاميرة
ياترى الاميرة زعلانة وحزينة لية ردت الاميرة وقالت عشان أنا وحيدة ومش عندى اخوات
ردت الضفضعة وقالت طب اية رأى الاميرة نكون اصحاب ردت الاميرة وقالت ازاى الاميرة تصاحب ضفضعة
ردت الضفضعة وقالت بس أنا مش زى أى ضفضعة انا ممكن فى غمضة عين أتحول لآى شكل انتى عايزاة انا ممكن ابقى فى شكل امير جميل يكون صديق للاميرة
ردت الاميرة فلورا وقالت طب تقدرى يا ضفضعة تكونى فى شكل أخت جميلة ألعب معاها وأتكلم معاها ردت الضفضعة وقالت لا طبعا مش ممكن أكون فى شكل اخت ليكى
ردت الاميرة وهى حزينة يبقى مش ممكن نبقى أصحاب عشان مفيش اى حاجة ممكن انها تعوضنى اخواتى
عشان كدة مش لازم ابدا اننا نزعل اخواتنا مننا مهما حصل ولازم نسمع كلام اخواتنا الى أكبر مننا ومش نتخانق معاهم أبدا ابدا ابدا مهما حصل مهما حصل عشان الاخوات مش بيتعوضوا ابدا ولازم نعرف قد اية ربنا بيحبنا عشان كدة ادانا اخوات يحبونا ويخافوا علينا ويلعبوا معانا
وتوتة توتة وفرغت الحدوتة
والى اللقاء مع حدوتة جديدة مستنية ردودكم